عايز تحافظ على علاقتك بحبيبك ؟

من طرف **star** السبت فبراير 28, 2009 1:43 am

بجد الموضوع اللي هتكلم فيه ده مهم جداً لأي حد عايز يحافظ

على حبه وعلى علاقته بالشخص اللي بيحبه

وانا فعلاً عانيت من الموضوع ده

انا شوفت حلقة يوم الفلانتين وكانت بتتكلم عن الموضوع ده وقولت لازم

انقلكم الفكرة دي

والموضوع اسمه لغات الحب

طبعاً كل واحد وليه شخصيته اللي بتميزه وليه برضه طبع وطريقة تفكير

ومفيش شك ان اي اتنين مهما وصلوا لدرجة من الحب ..اكيد هيكونوا مختلفين

في حاجات

في حاجة اسمها لغات الحب ولكل الواحد لغته الخاصة اللي بيعبر بيها عن مشاعره

انا اعرف انهم 5 لغات او طرق ,, اتذكر منهم 4 هقولكم عليهم

اول حاجة الكلام :

يعني اي شخص ممكن يعبر عن حبه بالكلام وبأنه يقول للشخص اللي بيحبه كل مشاعره

اللي بيحسها ناحيته ..وهو كمان بيكون شايف ان الطرف التاني لو بيحبه هيقوله ..يعني

برضه هتكون الوسيلة بالنسبة له الكلام

تاني حاجة الفعل :

في شخص تاني ممكن يشوف انه بيعبر عن حبه تجاه الطرف التاني بالفعل ومش بالكلام

وبيكون منتظر فعل من الطرف التاني برضه كدليل على حبه ليه

تالت حاجة الهدايا :

في شخصيات بتشوف ان الهدية افضل طريقة تعبر بيها عن مشاعرها تجاه الطرف التاني

واكيد بيكون منتظر نفس الشيء من الطرف الاخر لانه مقتنع ان هي دي الوسيلة للتعبير

عن الحب

رابع حاجة اسمها physical touch

ده طبعاً للمتزوجين ..مااااااااشي ؟؟

بمعنى ان الشخص بيكون محتاج من الطرف التاني انه في وقت يطبطب عليه

يحضنه ..او حتى يحسسه بحبه من لمسة ايديه

والخامسة بقى مش فاكراها خالص

الفكرة بقى هي ان كل واحد فينا مختلف في طريقته في التعبير عن حبه

بمعني .. ان واحدة بتكون شايفة ان الطريقة للتعبير عن الحب بالنسبالها الكلام يعني عايزاه

طول الوقت يقولها كلام حب ويعبر عن مشاعره نحيتها

ويكون الطرف التاني الفعل بالنسباله هي الطريقة الامثل للتعبير عن حبه وانه لما يعمل عشانها

حاجة يبقى بيعبر عن حبه ناحيتها ..

بس المشكلة ان هو مهما هيعمل هي مش هتحس بكدة لان الطريقة بالنسبالها هي الكلام ومش الفعل

وهي مهما هتقوله كلام حلو مش هيحس بيه لان الطريقة بالنسباله هي الفعل ومش الكلام

ومن هنا بقى بتيجي المشاكل وكل واحد يقول للتاني انت ما بتحبنيش وانا مش حاسس بأي مشاعر

الحل بقى هو اننا نفهم لغات بعض وكل واحد يشوف ايه هي الطريقة المناسبة للطرف التاني ويحاول

يقدرها ويفهمها ...وطبعاً الحوار هو افضل طريقة عشان نعرف بيها

يعني الاتنين يقعدوا يتكلموا مع بعض وكل واحد يقول للتاني انا بحب ايه وعايزك تعمل ايه

وكل واحد يحاول يفهم ويقدر لغة الطرف التاني

يارب اكون قدرت اوصلكم الفكرة وتنفذوها وتفيدكم

يارب فعلا يكون الموضوع نال اعجابكم

من طرف **safy** الإثنين مارس 23, 2009 11:00 pm

شكرا جدا علي الموضوع
ولكن الحب لا يحتاج كل هذه الغات فالحب
ياتي فجاه وبدون انظار الحب وليس يحتاج الي مقدمات
لان عندما تحب تحب كل ما يحبه الحبيب
وكذلك تحبه بكل مافيه
مع خالص تحياتي بالحب السعيد